Tuesday, March 5, 2013

Kaali raat k baad nayi subha aati hai...


Har waqt Har lamha,
kuch naya sikha jaati hai,

Har naye shaksh ki baato me,
Kuch nayapan sa hai,

Alag alag jaatiyo bhashao me,
Kuch apnapan sa hai,

Chaand ki roshani me,
Roz chaandani sama jaati hai,

Har Kaali raat k baad,
Ek nayi subha aati hai.

Nakaratmakta hume kaale andhero me,
dhakel jaati hai,

Sakaratmakta chamakte ujaalo ki or,
raah dikha jaati hai,

Kathinaiyan khud se sawal karne par,
Majboor kar jati hai,

Kathinaiyon ko paar kar nikale to,
Jawaab har sawaal hal kar jaati hai,

Har kaali raat k baad,
Ek nayi subha aati hai.

Majbooriyon me,
Mujhe akela kar jaati hai,

Khushiyon me,
Bheedh ka hissa bana jaati hai,

Kora kaagaz bhi,
Dard bayan kar jaati hai,


Hausla dard par,
Marham laga jaati hai,

Kismat bhi,
Kaise khel dikhati hai,

Har waqt,
Mujhe aazmaati hai,

lekin,
Har kaali raat ke baad,
Ek nayi subha,
Zaroor aati hai...

No comments:

Post a Comment